Fridrix Merts - Əgər dondurulmuş aktivlərin istifadəsi məsələsini həll edə bilməsək, Avropa İttifaqının fəaliyyət qabiliyyəti uzun illər, hətta daha uzun müddət ərzində ciddi şəkildə zədələnəcək

21:37, 15.12.2025

Dondurulmuş Rusiya aktivlərinin istifadəsi Moskvaya müharibəni davam etdirməyin mənasız olduğunu göstərmək üçün lazımdır, – bu barədə Almaniya kansleri Fridrix Merts Almaniya-Ukrayna iqtisadi forumunda bildirib.

“Blokun üzvləri aktivlərin çıxarılması və istifadəsi ilə bağlı riskləri müəyyənləşdirməli və paylaşmalıdırlar, əks halda onlar Avropa İttifaqının reputasiyasına uzunmüddətli ziyan vurmaq riski ilə üzləşirlər. Əgər biz bu vəzifənin öhdəsindən gələ bilməsək, Avropa İttifaqının fəaliyyət qabiliyyəti uzun illər, hətta daha uzun müddət ərzində ciddi şəkildə zədələnəcək”, – Merts bildirib.

Onun dediyinə görə, “yalnız güc nümayişi bu müharibəni bitirəcək”.

Müəllif - Nino Pashayeva

Dünya