Fransanın İctimai Yayımçısı Emmanuel Makron və Donald Tramp arasında telefon danışığını yaydı. 10 may 2025-ci ildə yayımlanan videoda Fransa prezidentinin telefonda Amerika lideri ilə danışdığı görünür.

“Donald, bilirəm ki, sizin üçün hələ çox erkəndir. Bu vaxt zəng etdiyim üçün üzr istəyirəm”, – Makron Trampa deyib.

Fransa lideri amerikalı həmkarına razılaşarsa, bir neçə dəqiqədən sonra ona zəng edəcəyini və telefon danışığında Ukrayna Prezidenti Volodimir Zelenski, Böyük Britaniyanın Baş naziri Kir Starmer, Almaniya Kansleri Fridrix Merts və Polşanın Baş naziri Donald Tuskun iştirak edəcəyini bildirib. Emmanuel Makron səbəb kimi Ukraynanın ABŞ tərəfindən təklif edilən 30 günlük atəşkəsi qəbul etmək qərarını göstərir.

“Zelenski hər şeylə razılaşdı? Yaxşı. Mən bunun üçün Nobel Sülh Mükafatı alacağam”,  -deyə Tramp cavab verib.

Növbəti kadrda videoda Makron, Zelenski, Tusk, Merts və Starmerin Trampa zəng etdikləri görünür. Zelenski Trampa xəbərdarlıq edir ki, liderlərdən başqa, orada jurnalistlər də var və Rusiyaya təzyiqin artırılmasının vacib olduğunu bildirir.

Söhbətdən məlum olur ki, Tramp müsbət əhval-ruhiyyədədir və Rusiya prezidentinin bu təkliflə razılaşacağını düşünür.