“Fitch” kredit reytinqi agentliyinin məlumatına görə, “BB” reytinqinə malik digər ölkələrlə müqayisədə, Gürcüstanın yüksək iqtisadi inkişaf səviyyəsi, etibarlı makro-fiskal siyasət çərçivəsi, mülayim xarici borcu və dayanıqlı bank sektoru ölkənin reytinq mövqeyini möhkəmləndirir Bu barədə Gürcüstan Milli Bankı məlumat yayır.

Gürcüstan Milli Bankının (GMB) məlumatına görə, “Fitch”in proqnozunda inflyasiyanın mərhələli şəkildə azalacağı və 3%-lik hədəf göstəricisinə yaxınlaşacağı qeyd olunub.

“Fitch” tərəfindən yayımlanan hesabatda qeyd olunduğu kimi, Gürcüstanın beynəlxalq ehtiyatları artmaqda davam edib və 2026-cı ilin aprel ayında 6.5 milyard ABŞ dollarına çatıb. Onların izahatına görə, son aylarda larinin möhkəmlənməsi Gürcüstan Milli Bankına valyuta bazarında xarici valyuta satınalmaları həyata keçirmək imkanı verib.

“Gürcüstan iqtisadiyyatında mövcud olan güclü daxili iqtisadi mühit bank sektorunun maliyyə göstəricilərinin dayanıqlığını qorumağa davam edir — sektor gəlirlidir (mart ayının vəziyyətinə görə ROE 22,8%), yüksək kapitallaşma (ilkin kapital əmsalı 17%) və aktivlərin yüksək keyfiyyəti (vaxtı keçmiş kreditlərin payı 2.5%) ilə xarakterizə olunur”, – deyə “Fitch“in hesabatında deyilib.

Gürcüstan Milli Bankının məlumatına görə, reytinq şirkəti qeyd edir ki, sərt ehtiyat tələbləri və makroprudensial tədbirlər fonunda kreditlərin dollarlaşma səviyyəsinin daha da azalacağı gözlənilir.