Finlandiyanın Baş naziri Peter Orpo Qrenlandiya məsələsinin ABŞ və Avropa İttifaqı arasındakı münasibətlərə təsir etdiyini bildirir.

Bu barədə Finlandiyanın İctimai Yayımçısı yazır.

Orponun bildirdiyinə görə, Avropa İttifaqında Danimarka adası ətrafındakı mövcud vəziyyətin nəhayət həll olunduğuna dair fikir birliyi yoxdur.

“Lakin biz böhranın ən kəskin fazasını aşmağı bacardıq”, – deyə Orpo qeyd edib.

Finlandiya Baş nazirinin bildirdiyinə görə, müttəfiqlər təzyiq göstərməməli və ya müstəqil dövlətlərin ərazilərinin ilhaqını tələb etməməlidirlər.

Orponun dediyinə görə, Brüsseldə keçirilən sammitdəki atmosfer nikbin idi, çünki ABŞ Prezidenti Donald Trampın təzyiqindən sonra Avropa İttifaqı ölkələri birlikdə hərəkət etmək qabiliyyətini nümayiş etdirdilər.