Finlandiya prezidenti Rəcəb Tayyib Ərdoğandan hədiyyə olaraq aldığı revolveri muzeyə bağışlayıb

Finlandiya Prezidenti Aleksandr Stubb Türkiyə Prezidenti Rəcəb Tayyib Ərdoğandan hədiyyə olaraq aldığı revolveri muzeyə bağışlayıb.

Finlandiya Yayımçı Şirkətinin məlumatına görə, Prezident Administrasiyası Ərdoğanın hədiyyə etdiyi revolveri əvvəlcə polisə təhvil verib, daha sonra isə prezident həmin silahı muzeyə bağışlamaq istədiyini bildirib.

Məlum olduğu kimi, ehtimal ki, revolver ölkənin hərbi və silah tarixi ilə bağlı eksponatların saxlanıldığı Finlandiya Hərbi Muzeyinə köçürüləcək.

Finlandiyada silahlara dair qüvvədə olan qanunvericiliyə əsasən, odlu silaha sahib olmaq üçün əsaslı səbəb lazımdır. Əgər Stubbs silahı saxlamaq istəsəydi, o, müvafiq icazə almalı və ya revolveri yararsız hala gətirməli olardı.

Məlumat üçün bildirək ki, 7-8 iyul tarixində Türkiyə NATO sammitinə ev sahibliyi edib. Ankarada, sammitə gələn avropalı liderlərə Türkiyə prezidenti qravürlü tapançalar və döyüş patronları hədiyyə edib.

Medianın məlumatına görə, Böyük Britaniyanın baş naziri Kir Starmer Ərdoğanın hədiyyəsini Türkiyədə qoyub, çünki döyüş odlu silahının Böyük Britaniyaya idxalı qanunla qadağandır. Belçikanın baş naziri Bart De Vever bağlamanın içində nə olduğunu yalnız vətəninə qayıtdıqdan sonra öyrənib və revolveri hava limanında hüquq-mühafizə orqanlarına təhvil vermək məcburiyyətində qalıb. Estoniyanın baş naziri Kristen Mixal isə hədiyyə olaraq aldığı revolveri Türkiyədə qoymaq məcburiyyətində qalıb, çünki Estoniya qanunvericiliyi bu növ silahların idxalını qadağan edir.