2026-cı ilin Qış Olimpiya Oyunlarında fiqurlu konkisürmə üzrə komanda yarışları davam edir.

Gürcüstanı qısa proqramda Nika Eqadze təmsil edib. Onun çıxışı 84.37 xalla qiymətləndirilib və Gürcüstana 5 komanda xalı gətirib.

Fevralın 6-da ritmik rəqsdə Diana Devis və Qleb Smolkin cütlüyü Gürcüstan komandası üçün 5 xal, Anastasiya Qubanova – 6 xal, Anastasiya Metelkina və Luka Berulava cütlüyü isə 9 xal qazanıb. Sonda Gürcüstan komandası 25 xalla 10 komanda arasında beşinci yeri tutaraq tarixdə ilk dəfə finala vəsiqə qazanıb.

Medallar uğrunda mübarizə aparacaqlar: ABŞ (33 xal), Yaponiya (32), İtaliya (28 xal), Kanada (27), Gürcüstan (25).

Medallar uğrunda mübarizə sərbəst proqramla başlayacaq. Birinci Gürcüstanı Diana Devis və Qleb Smolkin cütlüyü təmsil edəcək.