"Euronews" - Avropol İranda davam edən münaqişə fonunda Aİ-də artan terror təhlükəsi ilə bağlı xəbərdarlıq edir

20:44, 06.03.2026

Avropol İranda davam edən münaqişə fonunda Aİ-də artan terror təhlükəsi ilə bağlı xəbərdarlıq edir, – bu barədə “Euronews” yazır.

Avropol xəbərdarlığında deyilib ki, İranda davam edən münaqişəyə görə, Avropada terrorizm, zorakı ekstremizm, kiberhücumlar və dezinformasiya kampaniyaları riski artıb.

Teleşirkətin məlumatına görə, Fransa və Almaniya da daxil olmaqla bir sıra Avropa ölkələri İranla əlaqəli və ya ekstremist aktyorların potensial hücumları təhlükəsi səbəbindən təhlükəsizlik tədbirlərini gücləndiriblər.

Mümkün təhdidlər arasında Avropol internetdə qütbləşən materialların sürətlə yayılmasını da qeyd edir ki, bu da diasporların və Aİ-də təmsil olunan digər şəxslərin radikallaşmasını sürətləndirə bilər.

“Euronews”un məlumatına görə, Avropolun bu bəyanatı İranın Ali Lideri Ayətullah Əli Xameneinin İsrail-ABŞ əməliyyatı nəticəsində qətlə yetirilməsindən sonra yayılıb və Böyük Ayətullah Nasir Məkarim Şirazi isə İsrail və ABŞ-a qarşı müqəddəs müharibəyə başlamağa çağıran fətva verib. Bununla yanaşı, İran Xarici İşlər Nazirliyinin sözçüsü Esmail Bəqayi Tehrana qarşı hər hansı bir hərəkətin hücumçularla əlbirlik kimi qəbul ediləcəyini və müharibə aktı hesab ediləcəyini bildirib.

Müəllif - Nino Pashayeva

Dünya