Ermənistan Respublikası Dağlıq Qarabağa ordu yerləşdirməyib-bu barədə Ermənistanın Müdafiə Nazirliyinin məlumatında deyilir.

“Keçmişdə olduğu kimi, Azərbaycanın rəsmi hesabatlarında və kütləvi informasiya vasitələrində Ermənistan Silahlı Qüvvələrinin bölmələri, hərbi texnikası və şəxsi heyətinin Dağlıq Qarabağda olması barədə yalan məlumatlar ortaya çıxır. Ermənistan Respublikasının Müdafiə Nazirliyi dəfələrlə bəyan edib ki, Ermənistan Respublikasının Dağlıq Qarabağda ordusu yoxdur”-deyə Ermənistan Müdafiə Nazirliyinin bəyanatında qeyd olunub.

Bu gün Azərbaycanın Müdafiə Nazirliyində ölkənin Qarabağda lokal xarakterli antiterror tədbirlərinə başladığını açıqlayıblar.

Azərbaycan Müdafiə Nazirliyinin bəyanatına əsasən, “Son bir neçə ayda Azərbaycanın Qarabağ bölgəsindəki Ermənistan silahlı qüvvələrinin birləşmələri tərəfindən Azərbaycan Ordusunun mövqelərinin müxtəlif çaplı silahlardan sistemli şəkildə atəşə tutulması, ərazilərin minalanmasının davam etdirilməsi, döyüş mövqelərinin mühəndis cəhətdən təkmilləşdirilməsi, eləcə də səngərlərin sayının artırılması gərginliyin artmasına səbəb olub”.

Erməni KİV Azərbaycan ordusunun Qarabağın Stepanakert şəhərini bombaladığına dair məlumat yayır. Tanınmamış Qarabağ administrasiyasının nümayəndələri erməni mediası ilə söhbətində bildirirlər ki, bölgədə rabitə yoxdur. Bundan əlavə, Azərbaycan tərəfi Stepanakert şəhərini Xankəndi şəhəri adlandırır.