Ermənistan Xarici İşlər Nazirliyi Nikol Paşinyanla İlham Əliyev arasında Əbu-Dabidə keçirilən görüşlə bağlı bəyanat yayır.

Bəyanatda qeyd olunur ki, görüşdə Ermənistan və Azərbaycan arasında dövlətlərarası münasibətlərin normallaşdırılması üçün gündəliyin müxtəlif aspektləri müzakirə olunurdu.

“İkitərəfli danışıqların normallaşma prosesi ilə bağlı bütün məsələlərin müzakirəsi üçün ən effektiv format olduğu təsdiqlənib və bunun əsasında nəticələrə əsaslanan dialoqun davam etdirilməsi qərara alınıb”, – Ermənistan XİN-nin bəyanatında deyilib.

Ermənistamın Xarici İşlər Nazirliyinin bəyanatına görə, tərəflər Ermənistan-Azərbaycan sərhədinin delimitasiyası prosesində əldə olunan irəliləyişi vurğuladılar və müvafiq dövlət komissiyalarına bu istiqamətdə əməli işlərin davam etdirilməsi üçün fərman verildi.