Ermənistanda Şirak baş arxiyepiskop Mikael Acapahiani həbs edilib
Ermənistanda Şirak yeparxiyasının baş arxiyepiskopu Mikael Acapahiani həbs edilib, – bu barədə Ermənistan mediası məlumat yayır.
Yayılan məlumatlara görə, baş arxiyepiskop Mikael Acapahian iki ay müddətinə həbs edildi. Vəkillərin bildirdiyinə görə, arxiyepiskop artıq cəzaçəkmə müəssisəsinə köçürülüb.
Məlumat üçün qeyd edək ki, Acapahiani əleyhinə Ermənistan Cinayət Məcəlləsinin 422-ci maddəsinin 2-ci hissəsi üzrə cinayət işi başlanılıb. Bu maddə hakimiyyətin ələ keçirilməsi, ərazi bütövlüyünün pozulması, suverenlikdən imtina və ya konstitusiya quruluşunun zorakı şəkildə devrilməsinə açıq çağırışları nəzərdə tutur.