İsrailin hərbi əməliyyatı nəticəsində Qəzza sektorunda səhər saatlarında 16 nəfər həlak olub. Bu barədə məlumatı ərəb mediası yayır.

Medianın məlumatına görə, Qəzza şəhərindəki hücumlar zamanı 11 nəfər həlak olub.

Yayılan məlumata əsasən, İsrail BMT-yə məxsus məktəblərə hava zərbəsi endirib, həmin məktəblərdə isə məcburi köçkün insanlar yerləşdirilmişdi.

Medianın yazdığına görə, 1,3 milyondan çox fələstinli, o cümlədən 350 min uşaq, İsrailin bombardmanına və məcburi təxliyə əmrlərinə baxmayaraq, Qəzza şəhərində və onun şimal hissəsində qalır.

Qəzza sektorunun səhiyyə xidmətinin məlumatına görə, aclıq və natamam qidalanma səbəbindən daha yeddi nəfər, o cümlədən iki uşaq, həlak olub.