Entoni Blinken Çinin müşahidə aerostatına görə Çinə səfərini təxirə salıb

ABŞ dövlət katibi Entoni Blinken Çinin müşahidə aerostatına görə Çinə səfərini təxirə salıb.

“BBC”nin yazdığı üzrə bu, ABŞ hava məkanında Çinin müşahidə-izləmə hava şarının görünməsindən sonra baş verib.

Məlum olduğu kimi, Entoni Blinken Pekində çinli həmkarı və potensial Çin lideri Si Cinpinlə görüşməli idi.

ABŞ hava məkanında müşahidə edilən hava şarı Çin hakimiyyəti tərəfindən yönünü dəyişmiş və pis hava şəraiti səbəbindən təsadüfən ABŞ-a gedən meteoroloji alət olaraq təsvir edilib.

Pekində baş vermiş hadisəyə görə məyus olduqlarını açıqlayıblar.

ABŞ rəsmiləri şarın Çinin “müşahidə aləti” olduğuna əmin olduqlarını bildiriblər.

Vaşinqton bir neçə gün əvvəl ABŞ hava məkanına daxil olandan bəri yüksək hündürlükdə olan aerostatı müşahidə edir. Hava şarı sonuncu dəfə Montana hava məkanında görünüb.

ABŞ-ın hərbi liderləri qalıntıların düşməsi təhlükəsindən narahat olduqları üçün hava şarını vurmamaq qərarını veriblər. Cisim Montana ştatının Billinqs şəhərinin üzərində görünməzdən əvvəl Alyaska, Aleut adaları və Kanada üzərində uçub.

Ağ Evin obyektin vurulmasını əmr etməsi halında hökumət “F-22″lər də daxil olmaqla döyüş təyyarələri hazırlayıb. Təhdidi qiymətləndirmək üçün yüksək səviyyəli hərbi liderlər, o cümlədən müdafiə katibi Lloyd Ostin və ABŞ-ın Birləşmiş Qərargahlarının rəisi, general Mark Mili görüş keçirib.

Müdafiə rəsmisi ABŞ-ın bu məsələni Çinin Vaşinqtondakı səfirliyində və həmçinin Pekində Çin rəsmiləri qarşısında qaldırdığını bildirib.