Entoni Blinken ABŞ administrasiyasının Rusiyanı terrorizmin sponsoru olan dövlət kimi tanımaq üçün Konqreslə işlədiyini bildirir

ABŞ administrasiyası Rusiyanı terrorizmin sponsoru olan dövlət kimi tanımaq üçün Konqreslə işləyir-bu barədə ABŞ dövlət katibi Entoni Blinken açıqlayıb.

“Biz indi Konqreslə terrorizmin sponsoru olan dövlət statusundan istifadə ilə bağlı bəzi çağırışların öhdəsindən gəlməyə kömək edəcək qanunvericilik üzərində işləyirik. Biz davamlı olaraq lazım gələrsə təzyiqi artırmaq üçün görə biləcəyimiz müxtəlif tədbirlər axtarırıq”-deyə Blinken açıqlayıb.

Dövlət katibinin qeyd etdiyi kimi, Putin Ukraynanı və onun kimliyini xəritədən silməyə, Rusiyaya aid etməyə çalışdı və uğursuzluq yaşadı.

“Sonra o, Ukraynanın şərq və cənub ərazilərini zəbt etdi və burada da uğursuzluğa düçar olur, çünki Ukrayna silahlı qüvvələri onu geri çəkilməyə məcbur etdi və Putinin əldə etdiyi əraziləri azad edirlər. İndi isə o qışdan silah kimi istifadə etməyə çalışır – işığı, istiliyi söndürür, qarşıdan qışı gözləyən Ukrayna xalqını qaranlıqda, soyuqda qoyur. Bu, həqiqətən də vəhşilikdir” -deyə Blinken açıqlayıb.