Enerji böhranı ilə əlaqədar İran hakimiyyəti bəzi məktəbləri, universitetləri və dövlət idarələrinin bir hissəsini bağlayıb

Enerji böhranı ilə əlaqədar İran hakimiyyəti bəzi məktəbləri, universitetləri və dövlət idarələrinin bir hissəsini bağlayıb. Yerli medianın məlumatına görə, qurumların və müəssisələrin bir hissəsinə qaz və elektrik enerjisi fasilələrlə verilir. Şərqi və Qərbi Azərbaycan, Ərdəbil, Rəzəvi Xorasan, Gülistan və Gilan kimi vilayətlərdə hökumət əməliyyatları tamamilə dayanıb.

Rəsmi şəxslər enerji sisteminin həssas vəziyyətini əks etdirən milli şəbəkədə qaz təzyiqinin aşağı düşməsindən danışırlar. Yanacaq çatışmazlığı səbəbindən 13 elektrik stansiyası söndrülüb. Böhranı idarə etmək üçün rəsmi şəxslər vətəndaşları “İki dərəcə az” kimi kampaniyalar vasitəsilə enerjiyə qənaət etməyə çağırdılar və ailələrə istiliyi azaltmaq üçün çağırış edirlər.

Təşəbbüs cəmiyyətin bir hissəsi tərəfindən geniş şəkildə tənqid edildi tərəfindən geniş tənqid olunub, onlar bunun sistemli infrastruktur nasazlığına qeyri-adekvat cavab olduğunu bildirirlər. Rəsmi şəxslər fasilələri havanın soyuq olması ilə əlaqələndirirlər və ölkənin enerji infrastrukturunun problemlərindən danışmırlar.

Ötən həftə Tehranda və bir çox digər əyalətdə məktəblər və dövlət ofisləri qar, yağıntı, temperaturun aşağı düşməsi, enerjinin idarə edilməsi, havanın çirklənməsi və toz fırtınaları kimi amillərə görə tam və ya qismən bağlı elan edilib.