Fransa Prezidenti Emmanuel Makron və Almaniya Kansleri Fridrix Merts Ukrayna paytaxtına edilən hücumları pisləyirlər.

Fransa Prezidentinin bildirdiyinə görə, bu hücum müharibənin dalana dirəndiyini göstərir.

“Fransa bu hücumu və “Oreşnik“ ballistik raketinin istifadəsini pisləyir, bu isə ilk növbədə Rusiyanın aqressiv müharibəsinin dalana dirəndiyini və onun düşünülməmiş eskalasiyasına işarə edir. Ukraynanı dəstəkləməyə davam etmək, ədalətli və dayanıqlı sülhə nail olmaq və Avropanın təhlükəsizliyini gücləndirmək üçün mümkün olan hər şeyi etmək əzmimiz daha da güclənir”, – deyə Emmanuel Makron sosial şəbəkədə yazır.

Almaniya kansleri də Rusiyanın Ukraynadakı mülki obyektlərə qarşı həyata keçirdiyi irimiqyaslı hücumu pisləyir və Kiyevə dəstəyini bildirir.

“Yenidən ”Oreşnik” raket sistemindən istifadə edilib. Almaniya hökuməti bu düşünülməmiş eskalasiyanı kəskin şəkildə pisləyir. Almaniya Ukraynanın yanında qətiyyətlə dayanmağa davam edir“, – Fridrix Merts sosial şəbəkədə yazır.