Edqars Rinkeviçs – Rusiyanın Ukraynada uzunmüddətli müharibə üçün kifayət qədər resursu var, bu səbəbdən Qərbin Kiyevə yardımda rahatlamaması vacibdir

Rusiyanın Ukraynada uzunmüddətli müharibə üçün kifayət qədər resursu var, bu səbəbdən Qərbin Kiyevə yardımda rahatlamaması vacibdir- bu barədə Latviyanın xarici işlər naziri Edqars Rinkeviçs bildirib.

Latviya Xarici İşlər Nazirliyinin rəhbərinin sözlərinə görə, Qərbin Ukraynaya yardım istiqamətində birliyi kifayət qədər güclüdür, lakin problemlər adətən qərarların icra sürəti ilə bağlıdır. Məsələn, silahların tədarükü çox vaxt cəbhədəki dəyişikliklərdən daha yavaş olur.

Rinkeviçs hazırda ən böyük narahatlığın cəbhədəki vəziyyət deyil, Rusiyanın mülki hədəflərə və kritik infrastruktura hücumları olduğunu bildirib.

Edqars Rinkeviçs onu da qeyd edib ki, bu səbəbdən Aİ-nin Xarici Əlaqələr Şurasında və digər formatlarda Latviya Ukraynanın infrastrukturunun bərpasına kömək etmək istiqamətində Ukraynaya dəstək üçün əlavə maliyyə istəyib.