Dövlət Təhlükəsizlik Xidməti, İrakli Ğaribaşvili, Qriqol Liluaşvili və Otar Partşaladzedinin evləri ilə paralel olaraq axtarış keçirdiyi şəxslərin adlarını da açıqlayıb.

Bunlar: Romeo Mikautadze, Mixeil Çoxeli, Vano və Tornike Parkaulilər, Andria (yəni Sandro) Liluaşvili və onların ailə üzvləridir.

Dövlət Təhlükəsizliyi Xidmətinin məlumatına görə, oktyabrın 17-də 10:00-dan etibarən bütün ölkə miqyasında 24 mənzil və yaşayış evində şəxsi axtarış aparılıb. Onların məlumatına görə, tədbir Tbilisidə, həmçinin Dedoplistskaro, Vani, Çoxatauri və Borcomi rayonlarında keçirilib.

“Vətəndaşların İrakli Ğaribaşvili, Qriqol Liluaşvili, Otar Partsxaladze, Romeo Mikautadze, Mixeil Çoxeli, Vano və Tornike Parkaulilər, Andria (yəni Sandro) Liluaşvili və onların ailə üzvlərinin yaşayış evlərində axtarış keçirilib.

Nəticədə, müxtəlif yerlərdən 7 002 200 ABŞ dolları və 136 000 lari məbləğində nağd pul, 198 ədəd qiymətli əşya və saat, bahalı rəsmlər, minlərlə vərəqdən ibarət sənədlər, 50 ədəd mobil telefon və 119 ədəd elektrik cihazı götürülüb. Hazırda Dövlət Təhlükəsizliyi Xidməti və Gürcüstanın Baş Prokurorluğunun istintaq şöbəsinin əməkdaşları tərəfindən adıçəkilən sənədlər və elektron cihazlarda mövcud məlumatların intensiv şəkildə öyrənilməsi və işlənməsi həyata keçirilir. Həmçinin, götürülmüş nağd pulun əsl mənşəyi müəyyən edildikdən sonra, işlənmiş məlumatlara əsasən növbəti istintaq və əməliyyat hərəkətləri planlaşdırılacaq və müvafiq şəxslərə qarşı hüquqi tədbirlər görüləcək”, – DTX-də bildiriblər.