Terrorçuluq və sui-qəsd maddələri ilə aparılan istintaq çərçivəsində Dövlət Təhlükəsizliyi Xidmətində şahidlərin dindirilməsi davam edir.

Ali Xanqoşvili və Qiorqi Kuştanaşvili artıq dindirilmək üçün quruma daxil olublar. Onlar medianın suallarını cavablandırmayıblar və sözügedən işlə hər hansı əlaqələrini inkar ediblər. Onların sözlərinə görə, nə üçün Dövlət Təhlükəsizliyi Xidmətinə çağırıldıqları barədə məlumatları yoxdur.

Terrorçuluq və sui-qəsd maddələri ilə cari iş üzrə aktiv istintaq hərəkətləri başlandıqdan sonra artıq 15-dən çox şəxs şahid qismində dindirilib. Dindirilmələr bir həftədən artıqdır davam edir və dindirilənlərin bir hissəsi şəhər məhkəməsində hakim qarşısında prosesdən keçiblər. Dindirilənlər arasında Ukraynada döyüşən gürcülərlə yanaşı, biznesmenlər də var. İşin gizli olmasından irəli gələrək, təfərrüatlar məlum deyil, lakin dindiriləcək şəxslərin sayının daha da artacağı istisna edilmir.

Dövlət Təhlükəsizliyi Xidmətində terror aktının hazırlanması və dövlət hakimiyyətini devirmək üçün sui-qəsd faktı üzrə istintaq aparılır, cinayət Gürcüstan Cinayət Məcəlləsinin 18-323-cü maddəsinin birinci hissəsi və 315-ci maddəsinin birinci hissəsində nəzərdə tutulub. Dövlət Təhlükəsizliyi Xidmətində bildirirlər ki, qurum Ukraynada olan Gürcüstan hakimiyyətinin sabiq yüksək rütbəli məmurlarının təşkilatçılığı və maliyyəsi ilə “Gürcü Arzusu” partiyasının fəxri sədri Bidzina İvanişvilinin qətlinin hazırlanması faktları da daxil olmaqla, cinayət əməllərini araşdırır.