Dövlət Təhlükəsizliyi Xidmətində davam edən istintaq çərçivəsində Qivi Tarqamadze də dindirilməyə çağırılıb.

Bu barədə Dövlət Təhlükəsizlik Xidməti Gürcüstanın Birinci Kanalına bildirib.

Hərçənd, Dövlət Təhlükəsizlik Xidmətinin qeyd etdiyi kimi, Qivi Tarqamadze ilə əlaqə saxlamaq mümkün deyil.

“Qivi Tarqamadze ilə əlaqə saxlamaq mümkün deyil, telefonu söndürülüb. Ümid edirəm ki, media vasitəsilə o öyrənəcək və ya ona bildirəcəklər ki, verdiyi bəyanatla bağlı Dövlət Təhlükəsizliyi Xidmətinə çağırılıb. Çağırışın əsaslarına gəlincə, o, gün ərzində Təhlükəsizlik Xidməti tərəfindən verilmiş bəyanatı görə bilər”, – qurumda bildiriblər.

Məlumat üçün bildirək ki, Dövlət Təhlükəsizlik Xidməti bu gün bir bəyanat yayıb. Bəyanata əsasən, son günlər ərzində müxtəlif şəxslər tərəfindən ictimai şəkildə Gürcüstanda digər ölkələr tərəfindən kadrların cəlb edilməsi ilə bağlı bir sıra məlumatlar səsləndirilib və bu çərçivədə terrorizm istiqamətində ittihamlar və ya işarələr da olub.

“Gürcüstanı bu kimi məsələlərdə ittiham etmək məqsədilə, xüsusilə regionda davam edən döyüş əməliyyatları fonunda, və bu bəyanatların heç bir müəllifinin hüquq-mühafizə orqanlarına heç bir məlumat vermədiyini nəzərə alaraq, bəyanatların faktiki vəziyyətlə nə qədər uyğun olmadığını, həm də müəlliflərin motivlərini diqqətlə izləyirik və öyrənirik. İstintaq başladılıb və bəyanatların müəlliflərinə bütün istiqamətlər üzrə suallar veriləcək, o cümlədən onlara imkan veriləcək ki, istintaq çərçivəsində hər hansı konkret fakt barədə məlumat versinlər”, – DTX-də bildirirlər.