Dövlət Təhlükəsizliyi Xidmətində aparılan istintaq çərçivəsində, Tbilisi Şəhər Məhkəməsində Tina Xidaşeli və Qiorqi Kandelaki magistrat hakim qarşısında dindirilirlər.

Siyasətçilər istintaq çərçivəsində Dövlət Təhlükəsizlik Xidməti tərəfindən dindirilməyə çağırılıblar, lakin onlar suallarını hakimin qarşısında cavablandırmaq istəyiblər.

Qubaz Sanikidze dünən dindirilmək üçün artıq məhkəmədə olub.

Bununla yanaşı, ölkədə olmayan Qivi Tarqamadze də dindirilməyə çağırılıb.

Məlumat üçün bildirək ki, Dövlət Təhlükəsizlik Xidməti bu gün bir bəyanat yayıb. Bəyanata əsasən, son günlər ərzində müxtəlif şəxslər tərəfindən ictimai şəkildə Gürcüstanda digər ölkələr tərəfindən kadrların cəlb edilməsi ilə bağlı bir sıra məlumatlar səsləndirilib və bu çərçivədə terrorizm istiqamətində ittihamlar və ya işarələr da olub.

“Gürcüstanı bu kimi məsələlərdə ittiham etmək məqsədilə, xüsusilə regionda davam edən döyüş əməliyyatları fonunda, və bu bəyanatların heç bir müəllifinin hüquq-mühafizə orqanlarına heç bir məlumat vermədiyini nəzərə alaraq, bəyanatların faktiki vəziyyətlə nə qədər uyğun olmadığını, həm də müəlliflərin motivlərini diqqətlə izləyirik və öyrənirik. İstintaq başladılıb və bəyanatların müəlliflərinə bütün istiqamətlər üzrə suallar veriləcək, o cümlədən onlara imkan veriləcək ki, istintaq çərçivəsində hər hansı konkret fakt barədə məlumat versinlər”, – DTX-də bildirirlər.