Dövlət Elektrik Sistemi – Elektrik enerjisinin qəza səbəbindən kəsilməsindən sonra qısa müddət ərzində Tbilisi və regionların böyük hissəsində elektrik enerjisinin təchizatı mərhələli şəkildə bərpa olunub, elektrik təchizatının tam bərpası üzrə işlər isə ən qısa zamanda başa çatdırılacaq
Elektrik enerjisinin qəza səbəbindən kəsilməsindən qısa müddət sonra, saat 08:05-dən etibarən Tbilisi və regionların böyük hissəsində elektrik enerjisinin təchizatı mərhələli şəkildə bərpa olunub, – bu barədə Gürcüstan Dövlət Elektrik Sisteminin yaydığı bəyanatda qeyd olunub.
Onların məlumatına görə, bərpa işləri davam edir və elektrik təchizatının tam bərpası ən qısa müddətdə başa çatdırılacaq.
“Bu gün, saat təxminən 08:00 radələrində ölkə ərazisində elektrik enerjisi təchizatı qəza səbəbindən qısa müddətə dayandırılıb.
Hazırda elektrik təchizatının bərpası istiqamətində işlər davam etdirilir.
paralel olaraq, qəzanın dəqiq səbəblərinin müəyyənləşdirilməsi istiqamətində işlər aparılır və bu barədə ictimaiyyətə əlavə məlumat verəcəyik”, – deyə bəyanatda deyilib.
Məlumat üçün bildirək ki, iyulun 24-ü saat 01:00-da da Tbilisi və Gürcüstanın əksər regionlarında elektrik enerjisi təchizatı qəza səbəbindən dayandırıldı. Rəsmi məlumata görə, enerji sistemində baş vermiş sistem qəzası elektrik enerjisi və telekommunikasiya şəbəkələrində məhdudiyyətlərə səbəb olub. Gürcüstanın Energetika və Su Təchizatı üzrə Milli Tənzimləmə Komissiyası 24 iyulda baş vermiş irimiqyaslı qəzanın səbəblərini araşdırmağa başlayıb.