Polşanın Baş naziri Donald Tuskun dediyinə görə, Rusiya–Ukrayna müharibəsi dondurula bilər. Bu barədə Tusk jurnalistlərə Ukraynanın Prezidenti Volodimir Zelenski ilə söhbətindən sonra bildirib.

“Müəyyən işarələr var və həmçinin məndə bir intuisiya var ki, Rusiya–Ukrayna münaqişəsi dondurula bilər”, – Tusk qeyd edib.

Polşanın baş naziri həmçinin qeyd edir ki, bu gün Donald Trampın Rusiyaya ultimatumunun son günüdür. Tuskun dediyinə görə, Volodimir Zelenski çox ehtiyatlıdır, amma yenə də nikbindir.

“Ukrayna tərəfi Avropanın, o cümlədən Polşanın gələcək atəşkəs sazişində və ondan sonrakı sülhdə iştirakında çox maraqlıdır. Biz də bölgəmizdə sülhün bərqərar olmasında maraqlıyıq, çünki bu, təhlükəsizliyimizə çox müsbət təsir göstərəcək”, – Tusk qeyd edib.