Polşanın Baş Naziri Donald Tusk, Polşaya rus dronlarının daxil olması ilə bağlı və bu hadisənin arxasında Ukraynanın dayandığına dair xəbərləri manipulyasiya və dezinformasiya adlandırıb.

“Biz hücumun arxasında Ukraynanın dayandığını göstərən hər cür manipulyasiya və dezinformasiyanı rədd edirik. Məsuliyyət
Rusiya Federasiyasının üzərinə düşür. Siyasi səbəblərdən, ağılsızlıqdan və ya Rusiyanın təbliğatı və dezinformasiyasına xidmət edən xəyanətkar olduqları üçün, biz bunu yayanları getdikcə daha çox ifşa edirik”, – deyə Tusk qeyd edib.

Məlumat üçün bildirək ki, sentyabrın 10-da gecə saatlarında Rusiyanın Ukraynaya genişmiqyaslı hücumu zamanı bir neçə dron Polşanın hava məkanını pozub.