ABŞ prezidenti Donald Trampın xüsusi nümayəndəsi Stiv Uitkof Qəzza zolağında əhali üçün qida paylanma mərkəzlərinə baxış keçirib. Bu barədə Uitkof sosial şəbəkədə yazır.

Onun dediyinə görə, Qəzzaya səfərin məqsədlərindən biri Donald Trampa humanitar vəziyyətlə bağlı təsəvvür yaratmaq olub.

Amerika Birləşmiş Ştatları Prezidentinin göstərişi ilə, dünən İsraildə ABŞ-ın səfiri ilə birlikdə Qəzzadakı humanitar vəziyyəti müzakirə etmək üçün israilli yüksək vəzifəli şəxslərlə görüşdüm. Bu gün biz Qəzzada, ərazidə faktları nəzərdən keçirdiyimiz, şəraiti qiymətləndirdiyimiz və Qəzzaya Humanitar Yardım Fondu və digər qurumlarla görüş keçirdiyimiz zaman, beş saatdan çox vaxt keçirdik. Səfərin məqsədi Prezident üçün humanitar vəziyyət haqqında aydın təsəvvür yaratmaq və Qəzza əhalisinə ərzaq və tibbi yardım çatdırılması planının hazırlanmasında kömək etmək idi”, – Uitkof yazır.