Donald Trampın xüsusi nümayəndələrinin Moskva və Kiyevə səfəri çərçivəsində, Ukrayna Müdafiə Qüvvələrinin bölmələri cəbhə xəttində atəşkəs rejiminə əməl olunması barədə əmr alıblar

ABŞ Prezidenti Donald Trampın xüsusi nümayəndələrinin səfəri çərçivəsində, Ukrayna Müdafiə Qüvvələrinin bölmələri cəbhə xəttində atəşkəs rejiminə əməl olunması barədə əmr alıblar.

Ukrayna mediasının məlumatına görə, Müdafiə Qüvvələrinin bölmələrinə sentyabrın 5-i səhər saat 12:00-dan sentyabrın 8-i saat 23:59-dək atəşkəs rejiminə əməl etmək tapşırılıb.

Bununla yanaşı, Ukrayna Prezidenti Volodimir Zelenski bəyan edib ki, 5 və 6 sentyabr tarixlərinə planlaşdırılan səfərlər zamanı Ukrayna “Rusiya hava məkanının normal fəaliyyətini” təmin edəcək.

Ukrayna Silahlı Qüvvələrinin bildirdiyinə görə, Rusiya Ukrayna istiqamətində hücumlarını dayandırmır. Onların məlumatına görə, Silahlı Qüvvələr ölkənin müdafiəsi üçün qarşıya qoyulmuş tapşırıqların icrasını plana uyğun olaraq davam etdirir.