Donald Tramp – Yalan xəbər mediası yalan şayiələr yayır, mən Pit Heqsetin gördüyü işdən son dərəcə məmnunam, hər şey qeyri-adi dərəcədə yaxşı gedir

ABŞ Prezidenti Donald Tramp Pit Heqsetin fəaliyyətindən son dərəcə məmnun olduğunu bildirir və döyüş sursatı çatışmazlığı məsələsində aralarında fikir ayrılığı yaşandığını təkzib edir.

“Həmişə olduğu kimi, yalan xəbər mediası yalan və tamamilə əsassız şayiələr yayır. Mən Pit Heqsetin gördüyü işdən son dərəcə məmnunam. Hər şey möhtəşəm şəkildə irəliləyir, o cümlədən Venesuelaya qarşı həyata keçirdiyimiz əməliyyat. Orada nəticə bir gündən də az müddətdə əldə olundu və bu, bizə dünyanın ən təhlükəli cinayətkarlarından biri olan Nikolas Maduronu ədalət mühakiməsi qarşısına çıxarmağa imkan verdi! Eynilə İranla bağlı da, hansı ki, ölkə nüvə silahına heç vaxt sahib olmaması üçün məhv edilib, hər şey çox yaxşı gedir!”, – ABŞ prezidenti yazır.

Tramp Heqseti “çox hörmətli” müdafiə naziri adlandırıb və ona tam etibar etdiyini qeyd edib.

“Bu şayiəni ən pis media qurumlarından biri olan “The Washington Post” yayıb. Buna baxmayaraq, biz onlara onların hekayəsinin tamamilə saxta olduğunu dedik. Əslində, mən həqiqətən inanıram ki, onların saxta “reportajı” xəyanətdir!” – Tramp yazıb”, – Tramp yazır.

Məlumat üçün bildirək ki, “The Washington Post” qəzetinin yaydığı məlumata əsasən, ABŞ prezidenti Donald Tramp və müdafiə naziri Pit Heqset döyüş sursatı çatışmazlığı səbəbindən qarşı-qarşıya gəliblər. Bundan əvvəl isə “CNN” və “Reuters” mənbələrə istinadən ABŞ-ın yüksək dəqiqlikli, uzaqmənzilli raket ehtiyatlarını faktiki olaraq tükətdiyi barədə məlumat yaymışdı. Buna cavab olaraq ABŞ-ın müharibə naziri Pit Heqset mediada yayılan məlumatları təkzib edib və bu məlumatın həqiqətə uyğun olmadığını qeyd edib.