ABŞ Prezidenti Donald Tramp “Sülh Şurası”nın iclasında Macarıstanın Baş naziri Viktor Orbana seçkilərdə tam dəstəyini bildirdi.

Trampın qeyd etdiyi kimi, bu dəstək avropalılar tərəfindən bəyənilmir.

“Macarıstanın Baş naziri Orban seçkilərdə mənim tam dəstəyimə malikdir. Avropada hamı bu dəstəyi bəyənmir, amma bu normaldır. O, inanılmaz iş görür. Özlərinə zərər verən bəzi ölkələrdən fərqli olaraq, miqrasiya məsələsində inanılmaz iş görüb. Bildirmək istəyirəm ki, siz mənim tam dəstəyimə maliksiniz və mən bunu açıq şəkildə deyirəm. Mən bunu əvvəllər də etmişəm və seçkilər yaxınlaşdıqca yenə edirəm. Düşünürəm ki, yaxşı olmalısınız”, – Donald Tramp bildirib və şuranın ilk iclasında iştirak etdiyinə görə Viktor Orbana təşəkkür edib.