ABŞ prezidenti Donald Trampın bildirdiyinə görə, Venesueladakı hərbi əməliyyat zamanı amerikan hərbçiləri arasında itki olmayıb, lakin, onun dediyinə görə, bir neçəsi xəsarət alıb.

ABŞ prezidenti hərbi əməliyyatı Co Bayden administrasiyası dövründə ABŞ-ın Əfqanıstandan çıxarılması ilə müqayisə edib.

“Biz artıq gülüş obyekti deyilik”, – Tramp deyib.

ABŞ prezidentinin iddiasına görə, o, hərbi əməliyyatı Mar-a-Laqodakı iqamətgahından izləyirdi və Amerika hərbçilərinin peşəkarlığına heyran olub.

Tramp bildirir ki, ABŞ Venesuela neft sənayesinin gələcək fəaliyyətində “güclü iştirak edəcək”.

ABŞ prezidenti deyir ki, o, Nikolas Maduro ilə “bir həftə əvvəl” danışıb və ona “təslim olmaq məcburiyyətində olduğunu” deyib.

ABŞ prezidentinin bildirdiyinə görə, Nikolas Maduro və həyat yoldaşı öz evlərində həbs ediliblər və hazırda ABŞ hərbi gəmisindədirlər.

Donald Trampın sözlərinə görə, Nikolas Maduro və onun həyat yoldaşı Nyu-Yorkda məhkəmə qarşısına çıxacaq.