Donald Tramp – Rusiya ola bilsin ki, Ukrayna ilə sülh razılaşması əldə etmək üçün cəsarət edə bilmir, lakin son olaraq onlar münaqişənin başa çatması ilə maraqlıdırlar

ABŞ prezidenti Donald Tramp “Newsmax”a müsahibəsində bildirib ki, Rusiya Ukrayna ilə sülh razılaşması əldə etmək üçün cəsarət edə bilmir.

ABŞ prezidenti hesab edir ki, Putin prosesi uzatmağa çalışır, lakin sonunda ruslar münaqişəyə son qoymaqda maraqlıdırlar.

Tramp qeyd edib ki, hər iki tərəf həftədə orta hesabla 2500 əsgər itirir.

“Onlar amerikalı deyillər, amma bunun mənim üçün bir əhəmiyyəti yoxdur. Mən döyüş meydanından şəkillər görmüşəm. Onları ümumiyyətlə görməməyi üstün tuturdum. Orada qollar, ayaqlar, başlar səpələnib. Silahlar son dərəcə öldürücüdür. Məncə, Rusiya buna son qoymaq istəyir və məncə, Zelenski də bu məqamda buna son qoymaq istəyir”, – Tramp bildirib.

ABŞ prezidenti həmçinin qeyd edib ki, Volodimir Zelenski də münaqişəyə son qoymaqda maraqlıdır. Donald Trampın qiymətləndirməsinə görə, hər iki tərəf insan tələfatının qarşısını almaq üçün hərbi əməliyyatları dayandırmağa çalışmalıdır.