ABŞ prezidenti Donald Tramp Rusiya ilə Ukrayna arasında atəşkəsin uzadıla biləcəyini bildirir.

“Jurnalistlər Trampdan Ukrayna ilə Rusiya arasında elan etdiyi üç günlük atəşkəsin uzadılıb-uzadıla bilməyəcəyini soruşublar və Tramp bu suala müsbət cavab verib.

“Mümkündür. Əla olardı. Mən bunun dayandırılmasını istəyirəm. Rusiya ilə Ukrayna arasındakı müharibə İkinci Dünya Müharibəsindən bəri insan itkisi baxımından ən dəhşətli hadisədir. Hər ay 25.000 gənc əsgər həlak olur. Bu, dəlilikdir. Buna görə də, bu, tamamilə mümkündür”, – ABŞ prezidenti deyib.

Məlumat üçün bildirək ki, Tramp mayın 8-i Ukrayna ilə Rusiya arasındakı müharibədə üç günlük atəşkəs elan etdi. Saziş həmçinin tərəflər arasında 1000 əsir mübadiləsini nəzərdə tutur. “Rusiya ilə Ukrayna arasındakı müharibədə üç günlük atəşkəs elan ediləcəyini elan etməkdən məmnunam. Tələbi birbaşa mən irəli sürmüşəm və onunla həmfikir olduqlarını çox qiymətləndirirəm”, – deyə Tramp bildirib.

Bununla yanaşı, Ukrayna Prezidenti 9 May ilə bağlı sərəncam imzalayıb. Sərəncamda qeyd olunur ki, “parad zamanı Moskvanın Qırmızı Meydanının ərazisi Ukrayna silahlarının tətbiqi planından çıxarılsın”.

Üç günlük atəşkəs barədə razılaşma Moskvada da təsdiqlənib.