Donald Tramp – Putin NATO ərazisinə hücum etməyəcək

Ağ Evdə jurnalistlərlə söhbət zamanı, Rusiya Prezidenti Vladimir Putinin NATO ərazisinə hücum etməyəcəyinə dair öhdəlik götürüb-götürmədiyi barədə suala cavab olaraq ABŞ Prezidenti Donald Tramp bildirib ki, Rusiya Prezidenti NATO ərazisinə hücum etmək niyyətində deyil.

“Mənim onunla yaxşı söhbətlərim olub və o, NATO ərazisinə hücum etməyəcək”, – deyə Tramp qeyd edib.

Jurnalist həmçinin Trampdan ABŞ Mərkəzi Kəşfiyyat İdarəsinin direktoru Con Retkliffin Rusiyanı NATO ərazisinə hücum etməmək barədə xəbərdar edib-etmədiyini soruşub.

“Mən bu barədə şərh vermək istəmirəm, amma onlar hücum etməyəcəklər”, – Tramp bildirib.