ABŞ Prezidenti Donald Trump 7 noyabr tarixində Ağ Evdə Suriya Prezidenti Əhməd əl-Şaraana ev sahibliyi edəcək . Bu barədə “Politico” məlumat yayır.

Nəşrin yazdığına görə, planlaşdırılan səfər, ötən ilin dekabrında əl-Şaraa qüvvələrinin Bəşər Əsədin avtoritar hökumətini devirməsindən təxminən bir il sonra administrasiyanın Dəməşqlə münasibətləri gücləndirmək səylərində atılan ən yeni mühüm addımdır.

Tramp son 25 il ərzində Suriya lideri ilə görüşən ilk ABŞ prezidenti olub. ABŞ Prezidenti və Suriya Prezidentinin görüşü may ayında, Səudiyyə Ərəbistanında keçirildi. Tramp əl-Şaraadan İsraillə münasibətləri normallaşdırmağa çağırıb. İyun ayının sonunda Tramp ABŞ-ın Suriyaya tətbiq etdiyi sanksiyaların əksəriyyətini ləğv edən fərman imzaladı və demokratların nadir dəstəyini qazandı.