Donald Tramp – İranla müzakirələr yüksək rəhbərlik səviyyəsinə qədər çatdırılmışdı və təsdiqlənmişdi, mən İran əleyhinə bu gün planlaşdırılan zərbələri ləğv edirəm

Donald Tramp İranla razılaşmanın “son bəndlərinin” təsdiqləndiyini bildirir.

Trampın qeyd etdiyi kimi, bu gecə İrana qarşı planlaşdırılan zərbə ləğv edilib.

Bununla yanaşı, ABŞ prezidenti razılaşmanın imzalanma vaxtı və yerinin yaxın vaxtlarda elan ediləcəyini bildirir.

“İran İslam Respublikası ilə müzakirələrin İranın yüksək rəhbərlik səviyyəsinə qədər çatdırıldığını və təsdiqləndiyini nəzərə alaraq, mən, Amerika Birləşmiş Ştatlarının Prezidenti olaraq, İrana qarşı bu axşam planlaşdırılan zərbələri və bombardmanları ləğv etdim.

Həm konsepsiya, həm də ətraflı məzmun səviyyəsində müzakirələr və son bəndlər prosesə cəlb olunmuş bütün tərəflər tərəfindən təsdiqlənib. O cümlədən Amerika Birləşmiş Ştatları, İsrail, Səudiyyə Ərəbistanı, Birləşmiş Ərəb Əmirlikləri, Qətər, Türkiyə, Pakistan, Bəhreyn, Küveyt, İordaniya, Misir və digər ölkələr tərəfindən.