Donald Tramp İranın atəşkəs razılaşmasını yenidən pozduğunu və Britaniya və Fransa gəmilərinə hücum etdiyini bildirir.

Onun sözlərinə görə, İran Hörmüz boğazını bağlaya bilməz, çünki o artıq ABŞ tərəfindən bloklanıb.

Ağ Evin lideri artıq “yaxşı oğlan” olmayacağını bildirib.

“İran dünən Hörmüz boğazında atəş açmağa qərar verib – bu, atəşkəs razılaşmamızın tamamilə pozulmasıdır! Onların bir çoxu Fransa gəmisinə və Birləşmiş Krallığın yük gəmisinə qarşı yönəlmişdi. Bu, yaxşı deyildi, elə deyilmi? Nümayəndələrim Pakistanın İslamabad şəhərinə gedirlər – onlar sabah axşam danışıqlar üçün orada olacaqlar. İran az əvvəl boğazı bağladığını elan edib, bu isə qəribədir, çünki bizim blokadamız onu artıq bağlayıb. Onlar bunu bilmədən bizə kömək edirlər və bağlı keçid səbəbindən gündə 500 milyon dollar itirirlər! Birləşmiş Ştatlar heç nə itirmir. Əslində, indi bir çox gəmi yük boşaltmaq üçün ABŞ-a, Teksas, Luiziana və Alyaskaya yönəlir. “Keşikçilər Korpusu” həmişə “sərt oğlanlar” olmaq istəyirlər! Biz çox ədalətli və ağlabatan bir razılaşma təklif edirik və ümid edirəm ki, onlar bunu qəbul edəcəklər, çünki belə davranmasalar, Birləşmiş Ştatlar İranda bütün elektrik stansiyalarını və bütün körpüləri məhv edəcək. Onlar tez və asanlıqla süqut edəcəklər və əgər razılaşmanı qəbul etməsələr, son 47 il ərzində digər prezidentlərin İranda etməli olduğu, lakin etmədiyi addımı atmaq mənim üçün böyük şərəf olacaq. İranın “qatil maşınına” son qoymağın vaxtıdır!”, – Donald Tramp yazır.