ABŞ prezidenti Donald Tramp Azərbaycan və Ermənistan liderlərinə Nobel Sülh Mükafatına namizəd göstərdiklərinə görə təşəkkür edir.

Azərbaycan mediasının məlumatına görə, ABŞ Prezidenti Donald Tramp Azərbaycan Respublikasının Prezidenti İlham Əliyevə məktub göndərib.

“Sizin və Baş nazir Paşinyanın mənim Nobel Sülh Mükafatına namizədliyimi irəli sürdüyünüzlə bağlı birgə məktubunuza görə təşəkkür edirəm. Bizi mühüm missiyamızı davam etdirməyə ruhlandıran bu yüksək şərəfə görə dərin minnətdarlığımı ifadə edirəm. Mən ABŞ prezidenti kimi dünyada münaqişələrə son qoymağa, bütün insanlar üçün sülh və firavanlığı təmin etməyə sadiqəm. Sizin dəyişməz tərəfdaşlığınızla biz mümkünsüz olanı əldə edəcəyik”, – məktubda qeyd olunur.