Hörmüz boğazı, ondan istifadə edən digər ölkələr tərəfindən lazım olduğu kimi qorunacaq və nəzarət ediləcək, ABŞ bunu etməyəcək, – bu barədə ABŞ prezidenti Donald Tramp sosial şəbəkkədə yazır.

Trampın qeyd etdiyi kimi, ABŞ məqsədlərinə çatmağa yaxınlaşır.

“Biz Yaxın Şərqdəki böyük hərbi səylərimizi, İranın terrorçu rejiminə qarşı yönəlmiş əməliyyatları mərhələli şəkildə başa çatdırmağı nəzərdən keçirdiyimiz üçün məqsədlərimizə yaxınlaşırıq: 1. İranın raket, buraxılış və əlaqəli imkanlarının tamamilə azaldılması; 2. İranın sənaye-müdafiə bazasının məhv edilməsi; 3. Onun donanmasının və hava qüvvələrinin, o cümlədən zenit silahlarının məhv edilməsi; 4. İranın nüvə imkanlarına yaxınlaşmasının qarşısını almaq və belə hallar baş verərsə, ABŞ-ın sürətli və effektiv reaksiya verə biləcəyi mövqedə qalmaq; 5. Yaxın Şərqdəki müttəfiqlərimizin, o cümlədən İsrail, Səudiyyə Ərəbistanı, Qətər, Birləşmiş Ərəb Əmirlikləri, Bəhreyn, Küveyt və digərlərinin ən yüksək səviyyədə qorunması.

Hörmüz boğazı ondan istifadə edən digər ölkələr tərəfindən lazım olduğu kimi qorunacaq və nəzarət ediləcək – ABŞ bunu etməyəcək! Əgər bizdən xahiş etsələr, biz bu ölkələrə səylərində kömək edəcəyik, amma İrandan gələn təhlükə aradan qaldırıldıqda bu artıq lazım olmayacaq. Bunun sadə bir hərbi əməliyyat olması onlar üçün vacibdir”, – deyə Tramp bildirib.