ABŞ prezidenti Donald Tramp yaxın gələcəkdə 200-ə yaxın ölkəyə ABŞ-a hansı tarifləri ödəyəcəkləri ilə bağlı məktublar göndərməyi planlaşdırdığını bildirib. Tramp bu barədə Ağ Evdə keçirdiyi mətbuat konfransında bildirib.

“Biz bir çox ölkə ilə danışırıq ki, ABŞ-da biznes fəaliyyəti üçün onlara nə ödəməli olduqlarını deyək və bu, çox tez baş verəcək. Hindistan kimi bəzi daha böyük ölkələrin vəziyyətində, düşünürəm ki, daxil olmaq və ticarət etmək hüququmuz olan bir razılaşma əldə edə bilərik. Hazırda bu məhduddur, oraya daxil ola bilmirsən, hətta bu barədə düşünmək belə mümkün deyil. Biz ticarət maneələrinin tamamilə aradan qaldırılmasına nail olmağa çalışırıq, bu, ağlasığmazdır və bunun baş verəcəyinə əmin deyiləm”, – Tramp deyib.