ABŞ prezidenti Donald Trampın sözlərinə görə, sülh prosesində “irəliləyiş olarsa”, Rusiya ilə işgüzar danışıqlar üçün qapını açıq saxlayacaq. Bunu prezident Alyaskaya yola düşərkən jurnalistlərə bildirib.

Donald Tramp qeyd edib ki, onun Rusiya prezidenti Vladimir Putinlə yaxşı münasibətləri var və işgüzar əlaqələrin qurulmasını da təklif edir.

“Mən gördüm ki, o, Rusiyadan çoxlu biznesmen gətirir və bu, yaxşıdır. Bu, mənə xoşdur, çünki onlar biznes qurmaq istəyirlər, lakin müharibə məsələsini həll etməyincə biznes olmayacaq.”

“Əgər irəliləyiş əldə etsək, biznes qurmağı nəzərdən keçirəcəyəm, çünki bu, onların istədiyi məsələlərdən biridir,” – Tramp bildirib.

Donald Tramp hesab edir ki, bugünkü görüşdən “nəsə” çıxacaq.

“O, ağıllıdır. Uzun müddətdir ki, bunu edir, amma mən də uzun müddətdir bunu edirəm və budur, buradayıq. Biz prezidentik. Bir-birimizi yaxşı başa düşürük. Hər iki tərəfdə hörmət var və düşünürəm ki, buradan nəsə çıxacaq,” – Tramp bildirib.