Donald Tramp bildirir ki, Rusiya ABŞ-ın keçmiş dəniz piyadası Robert Qilmanı həbsdən azad edib və o, artıq vətəninə qayıdır

ABŞ Prezidenti Donald Tramp bəyan edir ki, Rusiya ABŞ vətəndaşı, keçmiş dəniz piyadası Robert Qilmanı həbsdən azad edib.

Qilman 2022-ci ildə Co Bayden administrasiyası dövründə Rusiyada həbs edilib.

“Prezident Vladimir Putinlə danışdıqdan sonra Rusiya onu humanitar əsasla azad etməyə razılıq verib. Biz bu qərarı və Rusiyanın qarşılığında heç nə istəmədiyini qiymətləndiririk. Mübadilə baş tutmayıb. Robert bu axşam Vaşinqtondakı Endrius hərbi hava bazasına enəcək, burada bəziləri təyyarədə onunla birlikdə olan nümayəndələrim onu qarşılayacaqlar! Mən indicə onunla danışdım və bir xahişi var idi – yerə enəndə əla bir çizburqer. Bununla özüm məşğul olacam”, – Tramp sosial şəbəkədə yazır.

ABŞ Prezidentinin bildirdiyinə görə, onun administrasiyasının prioriteti xaricdə saxlanılan amerikalıların vətənə qaytarılmasıdır. Onun sözlərinə görə, son illər ərzində bu istiqamətdə mühüm nəticələr əldə edilib.