Donald Tramp bildirib ki, Cefri Epşteynlə birlikdə dərc olunan fotoların heç bir əhəmiyyəti yoxdur.

“Mən fotoları görməmişəm, amma hər kəs bu kişiyi tanıyırdı.O, bütün Palm Biçdə idi. Onun hər kəslə fotosu var. Onunla şəkil çəkdirən yüzlərlə insan var. Buna görə də bu, çox da böyük məna daşımır”, – Donald Tramp jurnalistlərə deyib.

Məlumat üçün bildirək ki, ABŞ Konqresinin Nəzarət Komitəsinin demokrat üzvləri Cefri Epşteynlə bağlı yeni sənədlər, o cümlədən ABŞ prezidenti Donald Trampın fotolarını dərc ediblər.

Donald Tramp üç fotoda təsvir olunub. Birinci fotoda o, üzləri örtülmüş bir neçə xanımla birlikdədir. Başqa bir foto 1997-ci il “Victoria’s Secret” şənliyindən olub, burada Tramp və Epşteyn birlikdə görünür. Tramp üçüncü fotoda da üzü örtülmüş bir xanımla birlikdə təsvir olunub.

Donald Tramp və Cefri Epşteyn illər ərzində dostluq edirdilər, lakin ABŞ prezidenti onların münasibətlərinin 2004-cü ildə, Epşteynin həbsindən çox daha əvvəl bitdiyini bildirib.