ABŞ prezidenti Donald Trampın dediyinə görə, Almaniyada yerləşdirilmiş hərbçilərin sayını əhəmiyyətli dərəcədə azaldacaq və bu, ilkin planlaşdırılan 5 000 əsgərdən xeyli çox olacaq. ABŞ prezidenti bu bəyanatı Floridada jurnalistlərlə söhbəti zamanı verib.

“Biz əhəmiyyətli dərəcədə azaldırıq və bu azalma 5000 hərbçidən daha çox olacaq”, – deyə Tramp bildirib.

Məlumat üçün bildirək ki, ABŞ prezidenti Donald Tramp və Almaniya kansleri Fridrix Merts arasında İranla davam edən müharibə ilə bağlı gərginlik artıb. Almaniya kansleri tələbələrlə görüşdə qeyd edib ki, “amerikalıların heç bir strategiyası yoxdur”, buna cavab olaraq Donald Tramp Fridrix Mertsi “dəhşətli” adlandırıb və onun “heç nə başa düşmədiyini” söyləyib.

Hazırda Avropada ən böyük ABŞ kontingenti olan Almaniyada 36 mindən çox Amerika hərbçisi xidmət edir.