ABŞ prezidenti Donald Tramp bildirib ki, ABŞ Hörmüz boğazını “tezliklə” açacaq.

Trampın dediyinə görə, İranın boğazı bağlamasına icazə verməyəcək, çünki bu, beynəlxalq sulardır.

ABŞ prezidentinin qiymətləndirməsinə görə, Hörmüz boğazı onsuz da açılacaq, çünki əks halda İranın heç bir ticarəti və gəliri olmayacaq.

“Amerika Birləşmiş Ştatları İranın Hörmüz boğazını bağlamasına icazə verməyəcək. Bu beynəlxalq sulardır. Boğaz onsuz da açılacaq. Sadə şəkildə: əgər onlar sata bilməsələr, pul qazana bilməzlər. Biz boğazdan istifadə etmirik, digər ölkələr istifadə edir, ona görə də digər ölkələr müdaxilə edəcək və bizə kömək edəcəklər”, – Donald Tramp jurnalistlərlə söhbətində bildirib.

Bununla yanaşı, Donald Trampın bildirdiyinə görə, onun əsas tələbi İranın nüvə silahına sahib olmamasıdır. Trampın sözlərinə görə, rejim dəyişikliyi artıq həyata keçirilib.

Jurnalistin danışıqların uğursuz olması halında ehtiyat planın olub-olmadığı barədə sualına Tramp ehtiyat plana ehtiyac olmadığını qeyd edib.