Donald Tramp – ABŞ İran tərəfindən Hörmüz boğazı yaxınlığında Amerika helikopterinin vurulmasına cavab verməlidir

ABŞ Prezidentinin bildirdiyinə görə, Birləşmiş Ştatlar İran tərəfindən Hörmüz boğazı yaxınlığında Amerika helikopterinin vurulmasına cavab verməlidir.

“Bizim hərbçilərimiz az əvvəl mənə bildirdilər ki, ötən gecə Hörmüz boğazında patrul xidməti zamanı iranlılar bizim yüksək texnologiyalı “Apache” tipli helikopterlərimizdən birini vurublar”, – deyə ABŞ prezidenti sosial şəbəkədə yazır.

Donald Trampın sözlərinə görə, helikopterdə iki pilot olub və onlar təhlükəsiz vəziyyətdədirlər.

“Associated Press”in məlumatına görə, sözügedən helikopter İran neftinin daşınmasının və tankerlərin blokadasının həyata keçirilməsi zamanı Amerika qüvvələrinin əsas vasitələrindən biridir və məqsəd Tehrana razılaşmanı qəbul etdirmək üçün təzyiq göstərməkdir.

Medianın məlumatına görə, Birləşmiş Ərəb Əmirlikləri də İran dronlarını vurmaq üçün eyni tipli helikopterlərdən istifadə edirdi.