ABŞ prezidenti Donald Tramp bildirib ki, İranla bağlı onun yanaşması nəticə verir.

“Digər tərəf həqiqətən də razılaşma əldə etmək istəyir. Nə desəm və nə etsəm də, görünür, bu, işə yarayır”, – Tramp İrana qarşı təhdid barədə ünvanlanmış suala cavabında qeyd edib.

NATO barədə danışarkən, ABŞ prezidenti bildirib ki, İranla müharibədə ABŞ-ın alyansa “ümumiyyətlə ehtiyacı yox idi”, lakin onun sözlərinə görə, NATO “orada olmalı idi”.

Bir jurnalist ABŞ prezidentindən niyə o dövrdə alyans üzvlərini münaqişəyə cəlb etmək istədiyini soruşub. “Onların müdaxilə edib-etməyəcəklərini görmək istəyirdim”, – deyə Tramp qeyd edib.

Bununla yanaşı, Donald Tramp bildirib ki, Böyük Britaniya “ən azı minimum səy göstərməli və daha isti sözlər deməli” idi.

ABŞ prezidenti həmçinin Britaniyanın Baş naziri Kir Starmer ilə münasibəti barədə danışıb. Onun sözlərinə görə, əgər Starmer “Şimal dənizini açsa” və “immiqrasiya siyasətini sərtləşdirsə”, münasibətlər “bərpa edilə bilər”. Trampın qeyd etdiyi kimi, Starmer bunu etməsə, onun şansı olmayacaq.