Donald Tramp bildirir ki, Kanadada istehsal olunan bütün təyyarələrin sertifikatını ləğv edəcək. ABŞ prezidentinin sözlərinə görə, Vaşinqton bununla yanaşı, ölkəyə 50 faizlik rüsum tətbiq edəcək.

“Kanadanın ən böyük və texnoloji baxımdan ən inkişaf etmiş təyyarələrdən olan Gulfstream 500, 600, 700 və 800 tipli təyyarələrin sertifikatlaşdırılmasını yanlış, qanunsuz və qəti şəkildə rədd etməsini əsas götürərək, illər əvvəl baş verməli olan hadisə tamamlanana, yəni ABŞ-ın böyük şirkəti Gulfstream tam sertifikatlaşdırılana qədər, onların Bombardier Global Express və Kanadada istehsal olunan bütün təyyarələrinin sertifikatını ləğv edirik. Bundan başqa, Kanada eyni sertifikatlaşdırma prosesi vasitəsilə Gulfstream məhsullarının Kanadaya satışını qadağan edir. Əgər bu vəziyyət hər hansı səbəbdən dərhal düzəlməsə, mən Kanadaya ABŞ-da satılan bütün təyyarələrə 50%-lik rüsum tətbiq etməyi planlaşdırıram”, – Tramp sosial şəbəkədə yazıb.