Rusiyada NATO ilə qarşıdurmanın tərəfdarları yoxdur, lakin Moskva öz təhlükəsizliyini və maraqlarını təmin etmək üçün tədbirlər görməyə məcburdur, – bu barədə Kremlin sözçüsü Dmitri Peskov bildirib.

Peskov, 2029-cu ildə Rusiya ilə NATO arasında müharibənin başlaya biləcəyini istisna etməyən Almaniyanın müdafiə naziri Boris Pistoriusun bəyanatına münasibət bildirib.

“Bu cür militarist və hərbi ritorika Avropa paytaxtlarından getdikcə daha çox eşidilir”, – Rusiya prezidentinin sözçüsü bildirib.

Məlumat üçün bildirək ki, Pistorius Almaniya mediasına Rusiya ilə NATO arasında hərbi qarşıdurma ehtimalı barədə danışıb. “Bu məsələ spekulyativ olaraq qalır.Hərbi ekspertlər və xüsusi xidmət orqanları yalnız təxmini olaraq müəyyən edə bilərlər ki, Rusiya silahlı qüvvələrini NATO-nun şərq cinahındakı ölkələrdən birinə zərbə endirə biləcək səviyyəyə nə vaxt bərpa edəcək. Biz həmişə bunun 2029-cu ildə baş verə biləcəyini deyirdik. İndi bunun mümkün olduğunu deyənlər ortaya çıxıblar və deyirlər ki, bu, 2028-ci ildə mümkün ola bilər, bəziləri isə onun hərbçilərində olub, bəzi hərbi tarixçilər isə bildirirlər ki, bu il son sülh dolu yayımız olacaq”, – Pistorus bildirib.