Dmitri Peskov – Hazırkı mərhələdə Rusiya və Avropa İttifaqı münasibətlərinin yaxşılaşması üçün heç bir əsas görünmür, lakin biz münasibətlərin qurulması üçün şəffaflığımızı qoruyub saxlayırıq

Rusiya və Avropa İttifaqı münasibətlərinin yaxşılaşması üçün hazırkı mərhələdə heç bir əsas görünmür, çünki Avropa ölkələri Rusiyaya qarşı hərbi resurslarını səfərbər edirlər, – bu barədə Rusiya Prezidentinin mətbuat katibi Dmitri Peskov bəyan edib.

Onun sözlərinə görə, Avropa ölkələri Rusiyaya qarşı hərbi əməliyyatlarda iştirak edirlər.

“Hazırkı mərhələdə Avropa ilə münasibətlərimizin yaxşılaşması üçün heç bir əsas görmürəm. Hazırkı siyasətçilər, hakimiyyətdə olan siyasətçilərin bugünkü nəsli təkcə sözdə deyil, həm də əməldə qarşıdurmaya meyllidirlər. Onlar Avropanın hərbi potensialını tamamilə səfərbər edərək bu potensialı ölkəmizə qarşı yönəldirlər və bizə qarşı hərbi əməliyyatlarda birbaşa iştirak edirlər”, – deyə Peskov bildirib.

Kremlin mətbuat katibinin sözlərinə görə, Rusiya mövcud vəziyyəti nəzərə almalıdır, lakin Avropa İttifaqı ilə münasibətlərin qurulması üçün hazır olduğunu qoruyub saxlamalıdır.

“Biz bunu nəzərə almalıyıq. Əlbəttə ki, münasibətlərin qurulması üçün açıq qalmalıyıq və biz həqiqətən də bu açıqlığı qoruyub saxlayırıq, lakin eyni zamanda, kiminlə iş gördüyümüzü da yaxşı anlamalıyıq”, – deyə Peskov qeyd edib.