Dmitri Medvedev Rusiyanın Ukrayna ilə müharibədə hərbi məqsədləri arasında mülki infrastruktur obyektlərinin də olduğunu bildirir

Rusiya Federasiyası Təhlükəsizlik Şurasının sədr müavini Dmitri Medvedev Rusiyanın Ukrayna ilə müharibədə qanuni hərbi hədəfləri arasında mülki infrastruktur obyektlərinin, o cümlədən körpülər, nəqliyyat stansiyaları, yollar, enerji obyektləri və zavodların da olduğunu bildirir.

Bu barədə Dimitri Medvedev “Telegram” kanalında yazır.

“Qanuni hərbi məqsədlərə gəlincə, bu gün nə qanuni hərbi məqsədlər olaraq görülməlidir? Müharibə qaydaları çərçivəsində bunlara daxildir: düşmənin istənilən qoşunları – onun silahlı qüvvələrinin tərkibindən rəsmi olaraq çıxarılmamış qanuni döyüşçülər və qeyri-qanuni döyüşçülər; düşmənin hər hansı hərbi və köməkçi texnikası; hərbi infrastruktura aid hər hansı obyekt, eləcə də hərbi məqsədlərə nail olunmasına töhfə verən mülki infrastruktur – körpülər, nəqliyyat stansiyaları, yollar, enerji obyektləri, fabriklər, hərbi sifarişləri qismən də olsa yerinə yetirən sexlər və s.; düşmən ölkənin hərbi-siyasi rəhbərliyi; müharibədə rəsmən iştirak edən digər ölkələrin silahlı qüvvələri” -deyə Medvedev açıqlayıb.