Dəyərlərin təhsili proqramında iştirak edən din xadimləri və şagirdlər mükafatlandırılıb

Gürcüstanın Təhsil, Elm və Gənclər Naziri Qivi Mikanadze Dəyərlər Təhsili Proqramına qoşulmuş din xadimləri və şagirdlərin mükafatlandırılması mərasimində iştirak edib.

Təhsil Nazirliyinin məlumatına görə, Givi Mikanadze gənclərin tərbiyəsində və dəyərlər təhsilinin gücləndirilməsində göstərdikləri xidmətlərə görə din xadimlərinə təşəkkürünü bildirib. Nazirin sözlərinə görə, Gürcüstan Patriarxlığı və Nazirliyin əməkdaşlığı ilə həyata keçirilən proqram şagirdlərdə məsuliyyət, hörmət, vətəndaşlıq şüuru və vətən sevgisinin möhkəmləndirilməsinə töhfə verir. Hazırda Gürcüstan miqyasında 141 məktəbdə 175 klub fəaliyyət göstərir və bu klublara 4 375 şagird cəlb olunub. Proqram, həmçinin Abxaziyanın işğal olunmuş ərazisində yaşayan və xaricdə olan gürcü gənclər üçün də həyata keçirilir.

Nazirin bildirdiyinə görə, proqramın genişləndirilməsi gələcəkdə də davam edəcək. Artıq bu məqsədlə 129 ruhani təlim keçib. Onlar cari ilin sentyabr ayından etibarən yeni klublar açacaqlar.

Tədbir çərçivəsində həm din xadimləri, həm də şagirdlər təşəkkürnamələrlə mükafatlandırılıblar. Din xadimlərinə gənclərin tərbiyəsində və proqramın gücləndirilməsində göstərdikləri xüsusi xidmətlərə görə təşəkkürnamələr təqdim edilib, şagirdlər isə klublardakı fəal iştiraklarına görə mükafatlandırılıblar.