Devid Lemm – İranın nüvə silahı ola bilməz, biz onu ABŞ-la danışıqları davam etdirməyə çağırırıq

“Böyük Britaniyanın xarici işlər naziri Devid Lemmin bildirdiyinə görə, İran nüvə silahına sahib ola bilməz.

“Biz çox aydın şəkildə bildirdik ki, İran nüvə silahına sahib ola bilməz”, – Devid Lemm Cenevrədə İran və avropalı tərəfdaşlar arasında danışıqlardan sonra bildirib.

Lemmin qeyd etdiyi kimi, onun avropalı həmkarları da İranla müzakirələrin davam etdirilməsini dəstəkləyir.

“Biz İranı ABŞ-la danışıqları davam etdirməyə çağırırıq”, – Devid Lemm bildirib.

Bununla yanaşı, Devid Lemmin dediyinə görə, bu təhlükəli bir məqamdır və İran və İsrail arasındakı münaqişənin regional eskalasiyaya çevrilməməsi çox vacibdir.